• "The Our Father" (Amami)

   Amami, ay wada id sadi langit,

   madaydayaw nan Ngadan mo,
   umali koma nan Ubon mo,

   maikkan koma nan laydem

   isnan batawa ay kaneg id sadi langit.

   Agtam dakami is 'katago isnan inagew

   Ya pakawanem nan basbasol mi

    Kaneg nan mangpakawanan mi

    Isnan nakabasol ken dakami.

   Adim ipalloy nan kasayewan mi.

   Ya lingdam kayet dakami isnan kesaw

   Tay kukuwam nan pagarian, nan bileg ya nan gloria

   Ay maid enggana. Amen.

 

• "Mamatiak" (The Apostles' Creed)

Mamatiak isnan Ama ay mannakabalin isnan am-in

     Nangalamid isnan langit ya nan batawa

 

Mamatiak abes ken Jesu Kristo ay kedkedeng isnan Anakna ya Apo tako

     Nginmadan ay ippugaw isnan pannakabalin nan Dios Espiritu Santo.

     Inyanak Santa Maria Birhen.

     Ninligat isnan tiyempo na gobelnadol si Poncio Pilato

     Nailansa issan krus, natey, ya naikaob.

     Inmey issan te-an san natey.

     Ngem issan maikatlo ay agew tinmago issan natey

     Tinmikid id langit

     Ay makipigas isnan gloria nan Dios Ama

     Ay mannakabalin isnan am-in.

     Awnit isdi san kagapuwana ay umali

     Ay mangsumarya isnan natatago ya nan natey.

 

Mamatiak abes isnan Dios Espiritu Santo.

    Ya patiyek abes na Nasantoan ay Simbaan ay katolika.

    Ya wada abes nan makibadangan nan sasantos

    Ya nan pannapakawan nan basbasol

    Ya nan tumagowan nan awak

    Ya nan biag ay ma-id enggana.    Amen.

II. The Rev. Martin Bayang

• Rosary on the Mountain

Cantor: Ma-ed tek-teken es Dios mo no de sak-en.

Congregation: Si Apo Dios palalo san layad na. Es-san am-en ay ipugao. Siya san nangeba-ana es-san anak na. Ta

 sia'y am-en ay mam-mati ken siya. Ade da kat-katey no de matago-tago da. "God so loved the world that he gave his only begotten  son, that whosever believes in him shall not perish but have eternal life."(John 3:16)

Cantor: Ade ka sumap-sapo es tenag-tago es daydaya-wen ay dios mo.

Congregation: John 3:16( in the dialect version)

Cantor: Ade ka os-osalen nan ngadan  Apo Dios es ma-ed selvi-na.

Congregation: John 3:16

Cantor: Mak-ke mesa ka es-nan Denomingo.

Congregation: John 3:16

Cantor: Day-da yawem da amam ken enam.

Congregation: John 3:16

Cantor: Ade ka men pat-patey.

Congregation: John 3:16

Cantor: Ee-ee sa-em nan asawam.

Congregation: John 3:16

Cantor: Ade ka men ak-akew.

Congregation: John 3:16

Cantor: Ade ka men pabas-basol es-nan sag-sago-gong mo.

Congregation: John 3:16

Cantor: Ade ka men-ap-apal.

Congregation: John 3:16

All: Glore-ya  es-nan Dios Ama, Dios Anak, Dios Espirito Santo. Siya san lug-yana ya siya ed wani ya siya ay ma-ed  

eng-gana. Amen. "Glory to the Father, and to the Son, and to the Holy Spirit: as it was in the beginning is now, and  will be forever. Amen."

Martin('54) plus Labanet('57)